ഫെയ്സ് ബുക്ക്-ഹാരിസ്‌ എടവണ്ണ

മടുപ്പിന്റെയുടുപ്പു തുന്നുന്നുണ്ടോരോ

സൌഹ്രുദങ്ങളും

പ്രണയത്തിലേക്കു തെന്നിവീഴുന്നുണ്ട്

ചിലത്

അമ്മയായി കാണാമോയെന്നൊരമ്മ

കൌമാരത്തിനോട്

മരണത്തിനു ജന്മദിനത്തിനും

ദുരന്തത്തിനും

ഒരേ ലൈക്ക്…..

കവിതകളുപേക്ഷിച്ചു പോവുന്നു

ചിലർ

വായിക്കപ്പെടാത്തതു

സംസ്ക്കരിക്കാനാവാത്ത

മാലിന്യം പോലെ………

വാക്കേ ഇങ്ങിനെ ചീഞ്ഞു നാറുന്നതെന്തിനെന്നു

ചിത്രങ്ങൾ കളിയാക്കുന്നു

മിണ്ടാതിരിക്കുന്ന മുഖങ്ങളേ

ജീവനുണ്ടോന്നറിയാൻ

മറ്റു വഴിയില്ല

കുഴിമാടത്തിൽ കിടന്നു മണ്ണായാലും

പ്രൊഫൈലിലിങ്ങനെ ചിരിച്ചിരുന്നു

പറ്റിച്ചേയെന്നു പറഞ്ഞോ…..