പകല് തിരക്കുകളില്
ഉമ്മ വരാറില്ല
കാത്തിരിക്കുന്നുവെന്നോര്മ്മപ്പെടുത്താന്
ജീവിതം പാതിപകുത്തെടുത്തവള്
മിസ്സ് കോളുകളടിക്കുംനേരവും
ഉമ്മയോടു മിണ്ടിയിട്ടെത്ര
കാലമായെന്നോര്ക്കാറില്ല.
വാക്കിനെ മെരുക്കി
കവിതയാക്കിയൊന്നടുക്കിവെക്കുവാന്
രാവിലുറങ്ങതിരിക്കുമ്പോഴും
ഉമ്മമാത്രമൊരു വരിയായെത്തുന്നില്ല
എന്നാലും പനിച്ചും ചുമച്ചും
ദുസ്വപ്നങ്ങളില് ഒറ്റക്കുറങ്ങുമ്പോള്
നിറുകയില് ചുംബിച്ചുറാങ്ങാതെ
നീറുന്നൊരുമ്മ സ്വപ്നം
കാതുനോവിക്കാതെപ്രാര്ത്ഥിക്കാറുണ്ട്
ദെണ്ണം മാറുംവരെയും
കണ്ണടയാതെ കൂട്ടിരിക്കാറുണ്ട്
(ഹാരിസ് എടവണ്ണ)
No comments:
Post a Comment